Atuisartunut akigititat inissisimanerisa naatsorsorneqarneri (akit imminnut assersuunneqarneri)

Akit imminnut assersuunneqarnerinik naatsorsuineq immikkoortunut tallimanut agguataarneqarsinnaavoq. Ataani naatsumik naatsorsuinermut periuseq nassuiarneqarpoq.

 

Immikkoortoq siulleq tassaavoq Kalaallit Nunaanni Danmarkimilu nioqqutissat ataasiakkaat kiffartuussinerillu agguaqatigiissinnerisa naatsorsornerat, akit pineqartut katersoreernerisigut.

 

Immikkoortup aappaani nioqqutissat tamarmiusut kiffartuussinerillu (akit naleqqiussat), Kalaallit Nunaanni nioqqutissat ataasiakkaat kiffartuussinerillu agguaqatigiissinnerinut tunngasut, Danmarkimilu nioqqutissat kiffartuussinerillu assigisaasa akiisa agguaqatigiissinneri.

 

Immikkoortup pingajuanni akit allanut sanilliussat uuttortagassanut agguaqatigiissitat naatsorsorneqarput, nioqqutissanut ataatsimoortunut atatinneqartut (naligiissitat). Tabeli 1 takuuk, pingaarnertut nioqqutissat immikkoortiternerinut tunngasut pillugit sukumiinerusumik erseqqissaatigisaq.

 

Nioqqutissanut ataatsimoortunut pingaarnernut akit naleqqersuutaat immikkoortup sisamaanni naatsorsorneqarpoq, nioqqutissat ataatsimoortut agguaqatigiissinerinut uuttuutitut. Kalaallit Danmarkimillu uuttuutaat Atuisunut akigititamut naleqqersuutit atorlugit. Tamassuma kinguneraa, nioqqutissat pingaarnertut ataatsimoortitat marlunnik naleqqersuuserlugit naatsorsornissaat.

 

Immikkoortumi kingullermi ataatsimut naligiissitat naatsorsorneqarput, nunatsinni Danmarkimilu akinut naligiisitat uuttortagassat agguaqatigiissitsineri malillugit. Tamassuma naatsorsueriaatsip qularnaarpaa, akit assersuunnerat Nunatsinni Danmarkimilu inuit nammineq atugaasa assigiinngitsumik katiternerat sillimaffigalugu.

 

Naatsorsuineq Danmarks Statistikimit suliarineqartoq, periuseq nunat assigiinngitsut akornanni aamma akit imminnut assersuunneqarnerini atorneqartartoq assigaa. 

 

Paasissutissat allat

Akit imminnut assersuunneqarneri aamma Kisitsisaataasivimmi saqqummersinneqarput.